Connie Hedegaard (15 de setiembre de 1960, Holbæk) ye una política danesa, miembru del Partíu Popular Conservador de Dinamarca, que foi comisaria europea d'Aición pol Clima mientres la Comisión Barroso II. Ta casada y tien dos fíos.
Dempués de cursar estudios de lliteratura y hestoria foi miembru del parllamentu danés dende 1984 y hasta 1990, dedicándose darréu al periodismu hasta'l so nomamientu como Ministra de Mediu Ambiente en 2004. Ente 2005 y 2007 foi tamién Ministra de Cooperación Nórdica. Ente 2007 y 2009 foi ministra de Clima y Enerxía.
Foi presidente de la Conferencia sobre'l Cambéu Climáticu de la ONX 2009 hasta'l 16 d'avientu de 2009, cuando arrenunció al so cargu. El 10 de febreru de 2010 asumió'l cargu de comisaria de la Xunión Europea na cartera d'Aición pol Clima, como miembru de la Comisión Barroso II (2010-2014). Foi sustituyida por Miguel Arias Cañete tres la entrada en funcionamientu de la Comisión Juncker.
© MMXXIII Rich X Search. We shall prevail. All rights reserved. Rich X Search